İran Prezidentinin köməkçisi İsrailin BMT-nin Qadınların Vəziyyəti üzrə Komissiyasından çıxarılmasını tələb edib

İran Prezidentinin qadın və ailə məsələləri üzrə köməkçisi İnsiyyə Xəzəli bazar ertəsi Nyu-Yorkda BMT-nin Qadınların Vəziyyəti üzrə Komissiyasının 68-ci iclasındakı çıxışında deyib: “Bu gün dünyanın azad insanları milyonlarla qadın və uşağın onilliklər boyu didərgin düşməsi, təcavüzə məruz qalması və qətlə yetirilməsinə görə məsuliyyət daşıyan rejimin Birləşmiş Millətlər Təşkilatının Qadınların Vəziyyəti üzrə Komissiyasında yeri olmayacağını gözləyir. Ona görə də İranın qüdrətli qadınları adından və dünyanın müqavimətli və sülhsevər qadınları ilə həmrəy olaraq bu komissiyadan terrorçu İsrail rejiminin üzvlüyünün ləğvini tələb edirəm.”